الخميس، 4 يونيو، 2009

قانون انا اولا




بسم الله الرحمن الرحيم 
قبل ما ابدء البوستات 
فى حاجه مهمه لازم اقولها وااكد عليها 
وهى ان اى مجتمع مكون من مجموعه من الافراد والافراد دى الى انا وانت وانتى , يعنى لو حبينا نغير المجتمع لازم احنا نتغير الاول وبالتاللى المجتمع هيتيغر .
عمرنا ما سمعنا عن مجتمع اتغير من نفسه اطلاقا التغير بيجى من افراد المجتمع وبالتالى اذا كنا عايزين نعيش حياه افضل ونغير المجتمع والبيئه حوالينا للافضل لازم نبدء بنفسنا 
وبما ان كل فرد فينا بيأثر فى غيره وبيتأثر 
يبقى اكيد انا لما اعمل شئ كويس او انتهج منهج جيد الى حواليا اكيد هيتأثروا بيا ممكن التأثير ياخد وقت بس لا مفر من ان التغير والتأثير هيحصل 
وبالتالى هاكد تانى ان علشان نغير مجتمعنا للافضل لازم كل واحد يتيغر 
اذا واحد فينا نفسه المرور فى بلدنا يبقى كويس يبدء بنفسه سواء عنده عربيه او بيمشى على رجليه يكفى انه يلتزم باشارات المرور ماتقليش انا لوحدى مش هعمل تأثير لا انت تقدر تعمل تأثير فى الى حواليك حتى لو شخص واحد 
كفايه يا جماعه نبقى سلبيين وبتوع كلام وبس خلونا مره نترجم كلامنا لافعال 
نقطه اخيره 
اقرب ناس بتتأثر هى الاصدقاء اذا كنت نويت انك تتغير للافضل وتغير مجتمعك للافضل ابدء باصدقائك لانهم اكتر ناس هتتاثر بيك وبعدين اسرتك وبعدين الناس الى حواليك سواء جيران او عمل او اقارب . 
وووووووبس وانتظرونى فى اول البوستات الفعليه للتغير 

الأربعاء، 3 يونيو، 2009

نحو مجتمع وحياة افضل


السلام على اهل السلام ومصر والخليج العربى والشام والمغرب العربى كمان 
بأختصار المدونه دى هتكون عباره عن افكار وتجارب وخبرات واساليب 
علشان الواحد يقدر يعيش حياة افضل ويحسن المجتمع من حواليه 
كل الى هيجى فى المدونه ان شا ء الله هيكون نتاج فكرى وممكن بعض منه يكون نتاج سيرش فى جوجل 
انا بتمنى ان المدونه تفيدنى وتفيدكم 
ملحوظه 
مش معنى ان كل الى هكتبه هكون كله  بطبقه بس انا هكتبه لعل غيرى يستفيد بيه ويطبقه ولعلى انا ايضا استفيد منه واتشجع واطبقه 
>>>>> انتظرونى قريبا جداا ان شاء الله مع اول مواضيع المدونه